Kjo fundjavë solli paraqitje pozitive për futbollistët shqiptarë të Kombëtares në kampionatet europiane dhe amerikan.
Një arritje e rëndësishme erdhi në Greqi, ku Thomas Strakosha dhe Stavro Pilo u shpallën kampionë me AEK Athens. Skuadra fitoi 2-1 ndaj Panathinaikos, duke siguruar titullin e 14-të në histori. Të dy shqiptarët luajtën si titullarë në këtë ndeshje vendimtare.
Ivan Balliu kontribuoi me Rayo Vallecano në Spanjë. Skuadra siguroi kualifikimin në finalen e UEFA Conference League pas fitores ndaj Strasbourg në gjysmëfinale.
Në kampionatin turk, Ernest Muçi shënoi golin e fitores për Besiktas në suksesin 1-2 ndaj Trabzonspor. Ai realizoi golin e dytë të takimit, duke e çuar numrin e golave të tij në kampionat në 11 këtë sezon. Kristjan Asllani luajti gjithashtu si titullar për Besiktas.
Në MLS të SHBA-së, Myrto Uzuni zhbllokoi ndeshjen për Austin FC kundër Minnesota United me gol nga penalltia në minutën 14-të. Takimi përfundoi me barazim 2-2.
Cristian Shpendi shënoi dy gola dhe dha një asist për Cesena në ndeshjen kundër Padova, e cila përfundoi 3-4. Ai realizoi në minutën 5-të dhe në fund të pjesës së parë.
Taulant Seferi shënoi golin e dytë në fitoren 2-0 të Bodrumspor ndaj Pendikspor në fazën play-off të kampionatit turk. Kjo ndihmoi skuadrën të kualifikohet në gjysmëfinale.