Gjatë fundjavës së fundit, futbollistët e Kombëtares shqiptare zhvilluan paraqitje në kampionatet europiane dhe amerikane.
Myrto Uzuni shënoi gol në fitoren 2-0 të Austin FC ndaj Houston Dynamo në kampionatin MLS. Beratasi realizoi në fund të pjesës së parë me një goditje të fuqishme, ndërsa u vlerësua lojtari më i mirë i ndeshjes.
Arbër Hoxha u aktivizua si titullar në fitoren 2-1 të Dinamo Zagreb ndaj Varazdin në Kroaci. Me këtë rezultat, Dinamo Zagreb siguroi matematikisht titullin kampion katër javë para mbarimit të sezonit, duke fituar trofeun e 36-të në histori. Gjatë edicionit, Hoxha ka luajtur 29 ndeshje në kampionat, me 6 gola dhe 5 asiste.
Në formacionet startuese të skuadrave të tyre ishin 11 futbollistë:
• Thomas Strakosha
• Berat Gjimshiti
• Ardian Ismajli
• Klisman Cake
• Ylber Ramadani
• Juljan Shehu
• Qazim Laçi
• Adrion Pajaziti
• Nazmi Gripshi
• Anis Mehmeti
• Mirlind Daku
Luajtën minuta nga stoli edhe Stavro Pilo, Kristjan Asllani, Armando Broja dhe Ernest Muçi.