Trajneri i Suedisë, Graham Poter, publikoi sot listën me 26 lojtarë të grumbulluar për ndeshjet play-off të Botërorit, në minigrupin ku merr pjesë edhe Shqipëria. Suedia do të luajë së pari kundër Ukrainës më 26 mars, ndërsa në finale të mundshme përballet me fituesen e duelit Poloni-Shqipëri.
Lista nxjerr në pah mungesat e rëndësishme për shkak të dëmtimeve:
- Aleksander Isak
- Dejan Kulusevski
- Viktor Johanson
- Emil Holm
- Jakob Uidell Zeterstrom
- Aleksander Bernhardson
- Emil Kraft
«Kemi një ndeshje të parë thelbësore. Duhet një plan loje i qartë, por edhe zgjidhje alternative nga pankina. Nuk mund të bëjmë asgjë, është e pafat që humbim lojtarë për dëmtime, por kemi një grup me shumë cilësi», deklaroi Poter.
Në listë dallohet Besfort Zeneli, futbollist që në të kaluarën ka luajtur me U21 të Kosovës, por zgjodhi Suedinë për karrierën e tij. Ai është vëllai i sulmuesit të Kosovës, Arbër Zeneli.
Lista e plotë
Portierë:
- Melker Elborg (Sandërlend)
- Kristofer Nordfeldt (AIK)
- Noel Tornkvist (Komo)
Mbrojtës:
- Gabriel Gudmundson (Lids)
- Isak Hien (Atalanta)
- Herman Johanson (Dallas)
- Gustaf Lagerbielke (Braga)
- Viktor Nilson Lindelof (Aston Vila)
- Karl Starfelt (Selta Vigo)
- Eliot Stroud (Mjallby)
- Daniel Svenson (Borusia Dortmund)
Mesfushorë/Sulmues:
- Taha Ali (Malmo)
- Jasin Ajari (Brajton)
- Roni Bardaxhi (Barcelona)
- Lukas Bergvall (Totenhem)
- Antoni Elanga (Njukasëll)
- Viktor Gyokeres (Arsenal)
- Jesper Karlstrom (Udineze)
- Hugo Larson (Eintraht Frankfurt)
- Gustav Lundgren (Gais)
- Gustaf Nilson (Klub Bryzh)
- Benxhamin Nigren (Sëlltik)
- Erik Smith (St. Pauli)
- Matias Svanberg (Volfsburg)
- Uilliot Suedberg (Selta Vigo)
- Besfort Zeneli (Union SG)