Një sulm me bombë ndodhi të dielën jashtë stacionit të policisë Mirian në distriktin Bannu të provincës Khyber Pakhtunkhwa në Pakistanin veriperëndimor.
Një zëdhënës i policisë tha se bomba, e vendosur në një motoçikletë, shpërtheu në hyrje të stacionit. Të paktën dy persona humbën jetën, midis tyre një fëmijë, dhe 17 të tjerë u plagosën.
Ekipet e shpëtimit mbërritën menjëherë në vendngjarje dhe i transportuan të plagosurit në një spital të afërt. Disa prej tyre gjenden në gjendje kritike.
Askush nuk ka marrë ende përgjegjësinë për sulmin.
Guvernatori i provincës, Faisal Karim Qundi, e dënoi aktin, duke shprehur ngushëllime familjeve të viktimave dhe duke u dëshiruar shërim të shpejtë të plagosurve.