Sulmet ajrore të SHBA-ve dhe Izraelit kundër Iranit, të nisura herët të shtunën, kanë shkaktuar pezullime fluturimesh në Lindjen e Mesme. Irani ka nisur sulme ndaj shteteve të Gjirit si hakmarrje.
Fluturimet drejt aeroporteve të Tel Aviv-it, Dubai-t dhe Doha-s, si dhe anasjelltas, janë pezulluar. Disa shtete europiane paralajmërojnë qytetarët e tyre të shmangin udhëtimet drejt Bahrein-it, Kuvajt-it, Katar-it dhe Emirateve të Bashkuara Arabe, përveç rasteve të domosdoshme, dhe t'i drejtohen vendeve të sigurta.
Qeveria britanike planifikon evakuimin e shtetasve të saj nga rajoni, por koha mbetet e paqartë për shkak të mbylljes së hapësirës ajrore. Emiratet kanë pezulluar operacionet brenda dhe jashtë Dubait deri në orën 15:00 lokale, ndërsa Etihad ka pezulluar fluturimet nga Abu Dhabi deri në orën 02:00 lokale.
Në aeroportet e Dubait dhe Abu Dhabit një person ka mbetur i vrarë dhe 11 të tjerë janë plagosur që nga fillimi i sulmeve. Katër prej të plagosurve ishin anëtarë të stafit në Dubai International, aeroportin më të ngarkuar në botë për trafiku e pasagjerëve. British Airways ka anuluar shërbimet drejt Tel Aviv-it dhe Bahrein-it deri të mërkurën.