Deputetja e Partisë Demokratike, Jorida Tabaku, e ftuar në emisionin Puls të A2 CNN, diskutoi strukturën partiake të PD-së dhe nevojën për rivitalizimin e saj duke shtuar emra të rinj. Ajo deklaroi se partia ka struktura pafund dhe nuk propozon zëvendësimin e plotë me të rinj, por krijimin e hapësirë për mendimin ndryshe që vjen nga jashtë.
Tabaku nënvizoi rëndësinë e bashkimit të fraksioneve demokrate brenda opozitës. Ajo lidhi korrupsionin me largimin e të rinjve nga vendi, duke thënë se ai ka gërryer ekonominë shqiptare. Sipas saj, nga biznesi deri te fermeri, studenti dhe familja përplasen me dyert e shtetit për shkak të këtij fenomeni, që pengon edhe investitorët e huaj dhe çon në mbylljen e bizneseve.
Ajo kritikoi politikën aktuale dhe kërkoi ndryshim të mentalitetit, jo vetëm të emrave në strukturat partiake e qeveritare. Tabaku vuri theksin te karta morale sipërore dhe një ofertë politike si dhe ekonomike krejtësisht të ndryshme nga ajo e qeverisjes aktuale. Si shembull, përmendi ndryshimet e shpeshta të ministrave të financave, që nuk kanë ndikuar në politikat e taksave apo në uljen e tyre për qytetarët.