Besnik Tahiri, shef i grupit parlamentar të Aleancës për Ardhmërinë e Kosovës (AAK), reagoi kundër vendimit të Qeverisë për themelimin e Këshillit të Ministrave për Reformën e Administratës Publike.
Në një postim në Facebook, Tahiri e cilësoi këtë vendim si devijim të plotë nga parimet bazë të llogaridhënies dhe përgjegjësisë institucionale në reforma të administratës publike.
Ai vuri në dukje se reforma ka adresë të qartë në Ministrinë e Digjitalizimit dhe Administratës Publike, e rithmeluar kohët e fundit si hap pozitiv.
Sipas Tahirit, përgjegjësia, udhëheqja dhe zbatimi i reformës duhet të qëndrojnë pikërisht aty.
Themelimi i një këshilli të ri ministror është i panevojshëm, pasi Kabineti Qeveritar ekziston tashmë si organ kolegjial vendimmarrës, shkroi ai.
Tahiri propozoi forcimin e rolit të kësaj ministrie, duke paralajmëruar se vendimi aktual e zbehet dhe shpërndan përgjegjësinë.
"Kjo nuk është reformë, por regres. Nuk kemi më një adresë të qartë përgjegjësie, por një trup kolegjial ku përgjegjësia humbet dhe llogaridhënia zbehet", theksoi Tahiri.
Ai shtoi se që në fillim po projektohet dështimi dhe nënvlerësimi i një ministrie kyçe për shtetin.
"Reforma nuk mund të fillojë mbrapsht!", përfundoi postimi i tij.