Kryeministri i Kosovës, Albin Kurti, ka ftuar krerët e subjekteve politike në një sërë takimesh pas përfundimit dhe certifikimit të procesit zgjedhor të datës 7 qershor 2026.
Kryetari i Partisë Demokratike të Kosovës (PDK), Bedri Hamza, ka konfirmuar pranimin e ftesës për konsultime, takim ky që do të zhvillohet gjatë paradites së nesërme, në orën 09:00.
Ndërkaq, lideri i Lidhjes Demokratike të Kosovës (LDK), Lumir Abdixhiku, do të zhvillojë takimin me kryeministrin në orën 18:00. Sipas njoftimeve, takimi do të mbahet në ambientet e Kuvendit të Kosovës. Abdixhiku ka bërë të ditur pas mbledhjes së Kryesisë së partisë se në këtë takim do të marrë pjesë i shoqëruar nga një bashkëpunëtor.