Të hënën në ora 11:00 zhvillohet takimi midis Albin Kurtit, kryetar i Lëvizjes Vetëvendosje dhe kryeministër i Kosovës, dhe Lumir Abdixhikun, kryetar i Lidhjes Demokratike të Kosovës. Takimi mbahet në Kuvendin e Kosovës në Prishtinë.
Kurti e ka thirrur Abdixhikun për të biseduar për çështjen e presidentit. Të premtën, Kurti paralajmëroi se do të nisë takimet me krerët e partive opozitare që nga e hëna për të njëjtën çështje. Ky është takimi i parë në këtë seri.
Zëdhënësi dhe deputeti i LDK-së, Besian Mustafa, ka konfirmuar takimin në një përgjigje për media. Takimi synon diskutime për zgjidhjen e vakancës presidenciale.