Taulant Balla, drejtuesi politik i Partisë Socialiste për qarkun Tiranë, së bashku me kryetarin e Bashkisë Kamëz, Rakip Suli, vizituan më 15 maj ambientet e kopshtit "Borëbardha" dhe çerdhes "Pranverë" në zonën e Paskuqanit.
Gjatë vizitës, Balla vlerësoi kushtet dhe standardet e larta të ofruara për fëmijët, si dhe investimet e realizuara në infrastrukturën arsimore dhe atë të kujdesit parashkollor.
Balla theksoi se investimet në arsim janë pjesë e vizionit për një Shqipëri me standarde europiane, duke u shprehur krenar për cilësinë e përkujdesjes dhe kushtet e krijuara për fëmijët.