Taulant Balla, kryetari i grupit parlamentar të Partisë Socialiste, ka reaguar në prag të 15-vjetorit të ngjarjes së 21 Janarit duke e cilësuar atë si tragjedi dhe krim shtetëror, për të cilin ende pritet drejtësi e plotë.
Në një postim në rrjetet sociale, Balla thekson se të mërkurën e ardhshme, më 21 Janar 2026, bëhen 15 vite nga kjo ngjarje e rëndë. Ai nënvizon se institucionet e drejtësisë, veçanërisht Prokuroria e Posaçme, pritet të zbatojnë vendimet e Gjykatës Evropiane për të Drejtat e Njeriut (GJEDNJ) dhe të Gjykatës së Lartë të Republikës së Shqipërisë.
Sipas Ballës, Kuvendi i Shqipërisë nuk ka hyrë asnjëherë në meritën apo përmbajtjen e dosjeve penale, por ka përgjegjësi kushtetuese për kontrollin e zbatimit të vendimeve të GJEDNJ-së, në respekt të shtetit të së drejtës dhe të kujtesës për viktimat e 21 Janarit.