Policia e Kosovës ka njoftuar për një rast vjedhjeje grabitqare të ndodhur të mërkurën në orën 20:30 në fshatin Rudë të Malishevës.
Dy të dyshuar të maskuar kanë hyrë në shtëpinë ku ndodheshin dy të moshuar, i kanë kërcënuar me armë dhe u kanë grabitur rreth 600 euro, para se të largohen në drejtim të panjohur.
Në raportin zyrtar thuhet: “Është raportuar se dy të moshuar, derisa kanë qenë në shtëpi, aty kanë hyrë dy të dyshuar të maskuar dhe nën kërcënimin e armës u kanë grabitur rreth 600 euro dhe janë larguar në drejtim të panjohur”.
Nuk ka të lënduar. Rasti është iniciuar si vjedhje grabitqare dhe ndodhet në procedurë hetimore.