Një varkë me qira shpërtheu të shtunën në Gjirin Biscayne, pranë Miami Beach në Florida, duke lënduar të paktën 15 persona. Incidenti ndodhi rreth orës 12:50 afër Haulover Sandbar, një zonë e frekuentuar për lundrime rekreative dhe festë turistike.
Komisioni i Ruajtjes së Peshqve dhe Jetës së Egër të Floridës njoftuan se dhjetëra njësi shpëtimi iu përgjigjën vendngjarjes. Miami-Dade Fire Rescue raportoi se gjeti pacientë të shumtë që kërkonin kujdes mjekësor dhe transportoi 11 persona në spitalet lokale, pa dhënë detaje për gjendjen e tyre. Mediat amerikane, përfshirë NBC News, kanë raportuar se numri i të lënduarve arrin 15.
Dëshmitarët përshkruan skena dramatike. Pronari i një biznesi lokal, Patrick Lee, i tha NBC News se pa "tre persona që fluturonin nga varka dhe një re tymi". Ai shtoi se "pashë 12 barela që u larguan me njerëz të djegur shumë rëndë". Një person në anije fajësoi një rrjedhje gazi, sipas Miami Herald.
Zyrtarët nuk kanë konfirmuar ende shkakun e shpërthimit. Komisioni i Konservimit të Floridës ka nisur hetim, ndërsa Roja Bregdetare e SHBA-së mori pjesë në operacionin e shpëtimit së bashku me forcat zjarrfikëse dhe ekipet mjekësore.