Një ngjarje e rëndë është regjistruar këtë të enjte në qytetin e Vlorës, ku një 17-vjeçar është aksidentuar gjatë qëndrimit në det. I riu, i identifikuar si Santiago Çerçizi, dyshohet se ka pësuar prerje të rënda në këmbë pasi është goditur nga helika e një skafi.
I plagosuri është transportuar me urgjencë për të marrë ndihmën e nevojshme mjekësore. Autoritetet përkatëse kanë nisur punën për të përcaktuar shkaqet dhe rrethanat e plota në të cilat ka ndodhur ngjarja, ndërsa detajet mbi dinamikën e aksidentit mbeten ende për t'u sqaruar nga hetimet në vijim.