Një aksident në det ka ndodhur pasditen e datës 23 korrik 2026 në ujërat e Vlorës, ku një 17-vjeçar ka pësuar dëmtime në këmbë. Sipas njoftimit zyrtar të Policisë së Vlorës, rreth orës 16:50, mjeti lundrues i drejtuar nga 32-vjeçari me iniciale E.I. po lundronte nga Gadishulli i Karaburunit në drejtim të molit të qytetit.
Sipas hetimeve paraprake, pasagjeri 17-vjeçar, i identifikuar si S.Ç., dyshohet se ka rrëshqitur gjatë lundrimit dhe ka rënë mbi pjesën e motorit të mjetit. Si pasojë, i riu ka marrë dëmtime fizike në këmbë.
Menjëherë pas ngjarjes, ai është transportuar me ambulancë në Spitalin Rajonal Vlorë, ku ndodhet nën kujdesin e mjekëve. Grupi hetimor, nën drejtimin e Prokurorisë, ka nisur veprimet procedurale për sqarimin e plotë të rrethanave të këtij aksidenti.