Një aksident rrugor ka ndodhur mëngjesin e sotëm në rrugën e Lumit të Vlorës, në afërsi të urës së Laskos, në Kuç të Vlorës.
Dy automjete janë përplasur me njëra-tjetrën, sipas informacioneve paraprake. Nga përplasja kanë mbetur disa persona të lënduar.
Në momentet e para, në vendngjarje nuk kishin mbërritur ende ambulancat dhe policia. Të lënduarit ndodheshin në pritje të ndihmës mjekësore.
Ndërkohë, efektivët e policisë dhe shërbimet e emergjencës po drejtohen drejt zonës. Rrethanat e aksidentit mbeten të paqarta dhe pritet zbardhja e tyre pas veprimeve hetimore.
Përditësime
Katër persona u lënduan në aksidentin rrugor në Kuç të Vlorës. Të lënduarit u transportuan për ndihmë mjekësore dhe, sipas burimeve zyrtare, janë jashtë rrezikut për jetën. Autoritetet po hetojnë shkaqet.