Në lagjen Kodra e Trimave të Prishtinës, rreth orës 15:30 të së shtunës, janë raportuar të shtëna me armë zjarri në rrugën Fahri Fazliu.
Policia e Kosovës ka pranuar menjëherë informacionin dhe ka dërguar njësitë në vendngjarje. Sipas të dhënave fillestare, tre persona janë lënduar në këtë incident, por lëndimet e tyre nuk i ka shkaktuar arma e zjarrit.
Zëdhënësi i policisë për rajonin e Prishtinës, Enis Pllana, ka deklaruar: "Sot rreth orës 15:30, Policia ka pranuar informatën për të shtëna me armë zjarri në rrugën Fahri Fazliu në Prishtinë. Menjëherë në vendin e ngjarjes kanë dalë njësitet policore. Bazuar në të dhënat fillestare në këtë vend janë të lënduar 3 persona. (Lëndimet nuk i kanë shkaktuar nga arma e zjarrit). Të njëjtit janë dërguar për trajtim mjekësor".
Të lënduarit janë transportuar në spital për trajtim, ndërsa gjendja e tyre shëndetësore nuk është bërë publike. Një burim raporton se ngjarja ka nisur nga një përleshje. Policia ka nisur hetimet për zbardhjen e rrethanave të plota.
Disa media e kanë identifikuar zonën si Vranjevc, por kryesisht si Kodra e Trimave.
Përditësime
Policia e Kosovës ka konfirmuar arrestimin e një të dyshuari në lidhje me të shtënat në Kodra e Trimave të Prishtinës.