Mbrëmjen e së dielës, më 12 prill 2026, rreth orës 22:25, në magjistralen Prishtinë-Ferizaj ndodhi një incident me armë zjarri.
Një viktimë mashkull kosovar njoftoi policinë se, derisa lëvizte me automjetin e tij, një person i panjohur nga një veturë tjetër në lëvizje kishte shtënë në drejtim të tij.
Si pasojë e të shtënave, u godit vetëm pjesa e pasme e automjetit, ndërsa nuk raportohen lëndime.
Njësitë e policisë dolën në vendin e ngjarjes, ku gjetën dhe sekuestruan dy gëzhoja. Në konsultim me prokurorin kompetent, iniciuan rastin si vrasje në tentativë dhe hetimi vazhdon.