Kosova do të përballet me mot kryesisht me diell dhe temperatura të larta gjatë ditëve në vijim, sipas njoftimeve të Institutit Hidrometeorologjik të Kosovës (IHMK). Për ditën e sotme, temperaturat minimale pritet të lëvizin nga 12°C deri në 17°C, ndërsa vlerat maksimale do të arrijnë deri në 35°C. Era do të fryjë nga veriu dhe verilindja me shpejtësi 1–4 m/s.
Parashikimi për fundjavën
Ndërsa për fundjavën, IHMK parashikon mot me diell dhe vranësira të pakta, të cilat do të shfaqen kryesisht rreth zonave malore. Të shtunën, temperaturat minimale do të jenë 10-14°C, ndërsa ato maksimale do të variojnë nga 28 deri në 32°C. Të dielën, temperaturat maksimale pritet të shënojnë rritje, duke arritur vlerën e 33°C.
Kushtet meteorologjike parashikohen të jenë të qëndrueshme, por me mundësi për ngarkesë të shtuar termike gjatë mesditës. Instituti thekson se moti i thatë dhe temperaturat e larta do të rrisin nevojën për ujitje, veçanërisht për kulturat perimore, misrin dhe pemëtoret, ndërkohë që kushtet agrometeorologjike mbeten përgjithësisht të favorshme për bujqësinë.