Një tërmet me magnitudë 4.8 ballë u regjistrua mëngjesin e 8 shkurtit në ishullin e Kretës në Greqi. Epiqendra ndodhet 44 kilometra në perëndim të Paleochoras, Chania, ndërsa thellësia fokale u vlerësua në 27 kilometra, sipas Zgjidhjes Automatike të Institutit Gjeodinamik.
Sipas të përditshmes greke Protothema, forca e këtij tërmeti cilësohet mesatarisht e fortë. Nuk ka raportime për dëme materiale ose të lënduar.
Gjatë javës së fundit, Greqia ka regjistruar dhjetëra lëkundje sizmike me epiqendra nga pjesa perëndimore në bregdetin jonian deri në atë jugore të ishullit të Kretës. Ky tërmet shihet si më i fuqishmi mes tyre.