Më 16 mars, Greqia u godit nga një tërmet me magnitudë 3.8 ballë në shkallën Richter në zonën e Chanias, Kretë. Epiqendra u regjistrua 16 km në jug-juglindje të Sougias, në thellësi fokale 5 km, sipas Institutit Gjeodinamik të Athinës.
Ky aktivitet sizmik vjen në vazhdë të një vale lëkundjesh që ka filluar që nga 8 marsi në të gjithë Greqinë. Më i forti ka qenë ai i Janinës më 8 mars, me magnitudë 5.3 ballë, që shkaktoi dëme të konsiderueshme dhe çoi në shpalljen e gjendjes së jashtëzakonshme.
Të fundit u regjistruan të shtunën në Kretë, me forcë 4.8 ballë, pa dëme materiale apo të lënduar.
Për tërmetin e fundit nuk janë raportuar ende dëme apo viktima.
Përditësime
Një tërmet me magnitudë 4 ballë goditi zonën e Janinës më 17 mars, në orën 12:37 pasdite.
Epiqendra u lokalizua 11.9 km në verilindje të Shën Kyriakit.
Nuk ka të lënduar ose dëme të raportuara; verifikimet vazhdojnë.