Një tërmet me magnitudë 3.4 Richter goditi Greqinë më 27 mars në orët e para të mbrëmjes.
Lëkundjet ndodhën në orën 19:01, sipas Institutit Gjeodinamik të Observatorit Kombëtar të Athinës. Epiqendra u lokalizua 9 kilometra në jug të Agia Kyriaki, në Janinë, me thellësi fokale 12.5 kilometra.
Dridhja u ndje edhe në rajonin e Thesprotisë. Nuk raportohen të lënduar apo dëme materjale.
Paniku te banorët ishte i madh për shkak të tërmetit të fundit më 8 mars në Janinë, me magnitudë 5.3 Richter, i cili rrafshoi ndërtesa të vjetra dhe shkaktoi gjendje emergjence.