Një tërmet me magnitudë 5 të shkallës Rihter është regjistruar mëngjesin e kësaj të shtune në rrethin Battalgazi, në provincën Malatya të Turqisë lindore. Lajmi është konfirmuar nga Agjencia Turke për Menaxhimin e Fatkeqësive dhe Emergjencave (AFAD), e cila saktësoi se lëkundjet ndodhën në orën 06:20 sipas kohës lokale.
Lëkundjet sizmike janë ndjerë edhe në provincat fqinje, si në Elazig, Adiyaman, Tunceli dhe Sanliurfa. Aktualisht, grupet e emergjencës ndodhen në terren për të kryer kontrollet e nevojshme në zonat e prekura.
Ministri turk i Mjedisit dhe Zhvillimit Urban, Murat Kurum, ka njoftuar se nuk është konstatuar ndonjë pasojë negative, ndërsa institucionet vazhdojnë monitorimin dhe verifikimin e të gjitha raportimeve. Provinca e Malatyas ishte një nga zonat që pësoi dëme të mëdha gjatë tërmetit shkatërrues të vitit 2023, ngjarje e cila rezultoi me mbi 53 mijë viktima në Turqinë juglindore.
Përditësime
Tërmeti me magnitudë 5 goditi provincën Malatya në Turqi në orën 03:20 GMT, në një thellësi prej 15.59 kilometrash. Autoritetet konfirmuan detajet përmes një deklarate në platformën 'NSosyal'.