Një lëkundje sizmike me magnitudë 5.6 është regjistruar në bregun lindor të Ishullit të Veriut në Zelandën e Re. Sipas të dhënave të publikuara nga Qendra Sizmologjike Euro-Mesdhetare (EMSC), epiqendra e tërmetit u lokalizua në orën 20:35 sipas kohës lokale.
Në lidhje me pasojat e kësaj ngjarjeje, autoritetet lokale kanë bërë të ditur se deri në këto momente nuk ka raportime për viktima apo persona të lënduar. Gjithashtu, nuk janë evidentuar dëme materiale si pasojë e lëkundjeve të tokës.
Ndërkohë që ekipet përkatëse vijojnë të monitorojnë situatën në terren, autoritetet kanë bërë thirrje për qytetarët që të tregojnë kujdes të shtuar pas lëkundjeve të regjistruara.