Një tërmet i fuqishëm ka goditur prefekturën Haixi në provincën Qinghai të Kinës veriperëndimore, duke shkaktuar humbje jete dhe dëme materiale. Sipas Qendrës së Rrjeteve të Tërmeteve të Kinës, lëkundjet sizmike kishin një magnitudë prej 6.3.
Shërbimi Gjeologjik i SHBA-së ka njoftuar se epiqendra e tërmetit u regjistrua në një thellësi prej 10 kilometrash. Përveç lëkundjes kryesore, rajoni është përfshirë nga dridhje të tjera pasuese brenda një harku kohor prej 40 minutash.
Aktualisht, autoritetet lokale po kryejnë inspektime në zonat e prekura për të vlerësuar shkallën e dëmeve dhe për të ofruar ndihmë për popullatën. Deri në këtë moment, raportohet për 1 viktimë dhe 4 persona të lënduar, ndërsa operacionet për kërkim-shpëtim vazhdojnë.