Ridvan Aliu, prodhuesi i njohur i dronëve kosovarë, ka njoftuar se droni Skifteri K1 është gati pas testimit të suksesshëm.
Aliu ka publikuar në faqen e tij në Facebook një video ku droni godet pikën e synuar, bashkë me specifikat teknike. Droni ka rreze veprimi deri në 1 mijë kilometra, kohë fluturimi 7 orë e 12 minuta dhe kapacitet bartjeje deri në 42 kilogramë.
Sipas Aliut, ky dron është projektuar për misione mbrojtëse dhe nuk ka mundësi kthimi. Ai e kishte njoftuar këtë projekt para disa ditësh në emisionin Fiks n’Kohë.
Testimi konfirmon aftësitë e dronit në distanca të mëdha dhe goditje precize, siç tregohet në videon e publikuar.
Përditësime
Një klient testoi dronin kosovar Skifteri K1 në distancë 1124 km, me ngarkesë 42 kg (i armatosur) dhe saktësi maksimale.
Aliu deklaroi: "Kosova gati të godasë nga ajri 1000+ km larg...".
Aliu deklaroi se testimi i dronit Skifteri K1 u zhvillua jashtë Kosovës, në lokacionin e klientit.
- Pamjet janë invertuar dhe me night vision për siguri, me kërkesë të klientit.
- Goditja ishte reale, jo e gjeneruar nga AI.
Aliu shtoi: «Testimi është bërë jashtë Kosovës... Më shumë informata nuk mundem të jap».