Një person ka mbetur i lënduar pas një sulmi me thikë në sheshin e qytetit të Podujevës. Incidenti, sipas njoftimit të autoriteteve, ka ndodhur rreth orës 19:00.
Zëdhënësja e Policisë së Kosovës për rajonin e Prishtinës, Flora Ahmeti, ka konfirmuar për mediat se viktima është dërguar për të marrë trajtimin e nevojshëm mjekësor. Ajo bëri të ditur se, bazuar në të dhënat fillestare, lëndimet janë shkaktuar nga një mjet i mprehtë.
Në lidhje me këtë rast, policia ka ndërhyrë menjëherë dhe ka arrestuar një person të dyshuar për përfshirje në incident. Aktualisht, hetimet për zbardhjen e plotë të rrethanave të ngjarjes janë duke vazhduar.