Torino fitoi me rezultatin minimal 1-0 ndaj Lecce-s në një ndeshje të kampionatit italian të luajtur më 1 shkurt 2026. Ky rezultat i dha fund serisë së katër humbjeve radhazi dhe u zhvillua në një atmosferë të tensionuar, pa shumë spektakël.
Goli vendimtar erdhi në minutën e 29-të, pikërisht në momentin më të mirë të Lecce-s. Che Adams përfitoi nga një asist perfekt i Vlasic dhe e dërgoi topin në rrjetë me një goditje të ulët nga afër, duke mposhtur Falcone-n.
Mesfushori i Kombëtares Shqiptare, Ylber Ramadani, ishte titullar për Lecce dhe zhvilloi një paraqitje solide, duke u zëvendësuar vetëm në minutën e 89-të.
Në fillim të pjesës së dytë, Vlasic asistoi sërish për Zapatën, por Falcone reagoi shkëlqyeshëm ndaj goditjes së sulmuesit kolumbian. Torino mbajti kontrollin e topit, por rastet e pastra ishin të pakta, ndërsa Lecce u tregua edhe më pak kërcënuese.
Me këtë fitore, Torino ngjitet në 26 pikë në renditje, ndërsa Lecce mbetet në 18 pikë dhe humb një shans të mirë për t’u shkëputur nga zona e rrezikut.