Leon Avdullahu, mesfushori 21-vjeçar kosovar i Hoffenheim-it, ka tërhequr interesin e klubeve të mëdha evropiane për shkak të performancës së tij të shkëlqyer.
Tottenham Hotspuri dhe Milani janë duke e vëzhguar nga afër lojtarin kosovar. Vëzhguesit e këtyre ekipeve kanë qenë pothuajse në çdo ndeshje të Hoffenheim-it për ta parë nga afër Avdullahun.
Klubi gjerman nuk ka ndërmend ta lëshojë lojtarin dhe ka refuzuar ofertën fillestare të Milani-t. Nëse ndryshojnë mendje, Hoffenheim do të kërkojë midis 35 dhe 45 milionë euro për lirimin e tij.
Avdullahu iu bashkua Hoffenheim-it verën e kaluar nga Baseli për 8 milionë euro.