Ditën e martë, më 25 gusht 2026, qarkullimi në Rrugën e Kombit është përballur me trafik të rënduar, veçanërisht në zonën pranë mbikalimit të Rrëshenit. Vështirësitë në qarkullim janë krijuar si pasojë e ngushtimit të rrugës nga katër në dy korsi, duke krijuar një "pikë të nxehtë" në segmentin Rrëshen–Milot, i cili është i ndërtuar me vetëm dy korsi lëvizjeje me kahe të kundërta.
Drejtuesit e mjeteve kanë raportuar vonesa të konsiderueshme, të cilat variojnë nga 40 minuta deri në 1 orë. Fluksi i shtuar vjen kryesisht si rrjedhojë e lëvizjeve të diasporës, e cila po kthehet drejt vendeve europiane pas qëndrimit në shtetet e rajonit. Për shkak të këtij fluksi, ngarkesa më e madhe është vënë re në drejtim të Tiranës.