Të paktën 50 persona kanë mbytur në Mesdhe pasi një varkë që transportonte azilkërkues u përmbys në kushte të vështira moti. Mjeti lundrues ishte nisur nga Tunizia.
Vetëm një person ka mbijetuar. Ai u gjet i kapur pas mbetjeve të varkës nga anija "Star", ku kishte qëndruar për rreth 24 orë. Pas shpëtimit u transportua në spital në gjendje të rëndë dhe konfirmoi se në varkë ndodheshin rreth 50 pasagjerë, të cilët tani konsiderohen të vdekur.
Autoritetet e portit të Lampeduzës në Itali kanë kërkuar zonën e ngjarjes që nga mbrëmja e së premtes, por pa rezultate.
Europa Jugore u godit ditët e fundit nga cikloni Harry, çka ka rritur frikën se numri i viktimave mund të jetë edhe më i lartë. Roja Bregdetare Italiane ka lëshuar alarm për të gjitha anijet dhe ka njoftuar se tetë varka janë nisur nga Tunizia gjatë 10 ditëve të fundit dhe nuk kanë mbërritur në destinacion.
Sipas autoriteteve, këto varka besohet se transportonin të paktën 400 persona, të cilët aktualisht rezultojnë të zhdukur.