Fatlum Berisha, gjyqtari i ndeshjes midis Gjilanit dhe Llapit që përfundoi me fitoren 3-2 të skuadrës gjilanase, publikoi në rrjetet sociale një mesazh të marrë nga trajneri i Llapit, Tahir Batatina.
Në mesazh, Batatina akuzon Berishën për mosndarje të drejtësisë, duke thënë ndër të tjera: «Sot e anulove golin e rregull, por ruju e dije se ka Zot, njëherë të ka shikuar, të shikon prapë edhe më keq». Ky shprehje interpretohet si referencë ndaj vdekjes së djalit të Berishës në një aksident rrugor.
Batatina reagoi në Facebook duke mohuar se kishte përmendur familjen. Ai shkroi se çështja lidhet me «gabime të qëllimshme» nga i njëjti gjyqtar në dy ndeshje radhazi dhe se i qëndron deklaratës për ndëshkim profesional, pa konotacionin e dhënë. Ai theksoi se nuk është e drejtë humbja e mundit dhe djersës së klubit.
Komisioni i Gjyqtarëve shprehu shqetësimin dhe indinjatën e thellë për përmbajtjen e mesazheve. Sipas tyre, pavarësisht të drejtës për kritika ndaj vendimeve në fushë, gjuha e përdorur tejkalon normat etike, profesionale dhe njerëzore. Veçanërisht shqetësues është referimi në çështje personale dhe familjare.