Armando Broja nuk ishte mes të grumbulluarve për ndeshjen e Burnley kundër Crystal Palace në Premier League, të mërkurën mbrëma, ku skuadra e tij fitoi me rezultatin 3-2.
Trajneri Scott Parker sqaroi pas takimit se mungesa e sulmuesit shqiptar ishte zgjedhje teknike për programimin e skuadrës. Ai theksoi se nuk mund të grumbullonte më shumë se një numër të caktuar lojtarësh. "Vendimi im kishte të bënte vetëm me programimin e skuadrës. Ai ka ankuar një shqetësim të vogël fizik, por kjo nuk kishte lidhje", deklaroi Parker.
Në stol, alternativat për repartin ofensiv ishin Lyle Foster dhe Ashley Barnes, ndërsa vendi i Brojës u zëvendësua nga mesfushori James Ward-Prowse. Ky i fundit bëri debutimin me Burnley, pasi një javë më parë nuk mund të aktivizohej kundër West Ham, klubit që zotëron kartonin e tij.
Broja, i transferuar verën e kaluar te Burnley, ka luajtur 19 ndeshje këtë sezon, por situata e tij vazhdon të jetë e paqartë për shkak të konkurrencës së fortë në repartin sulmues.
Përditësime
Trajneri Parker konfirmoi se Broja do të mungojë disa javë për shkak të një ndërhyrjeje mjekësore, jo arsyeje teknike.
"Po kalon një problem prej disa javësh", tha Parker.
Kjo mund të ndikojë në ndeshjen e kombëtares kundër Polonisë më 26 mars.