Në fshatin Pollatë të Podujevës, më 14 mars 2026 rreth orës 16:30, policia ka arrestuar tre meshkuj kosovarë nën dyshimin për veprat penale "vrasje në tentativë" dhe "pengim i personit zyrtar në kryerje të detyrës zyrtare".
Sipas raportit të Policisë së Kosovës, ngjarja ka ndodhur gjatë një ndërhyrjeje, kur njëri nga të dyshuarit drejtonte një traktor të ngarkuar me dru ilegale, ndërsa një tjetër me automjet ka goditur veturën zyrtare të policisë.
Si pasojë e incidentit, katër zyrtarë policorë kanë pësuar lëndime trupore dhe kanë pranuar trajtim mjekësor.
Të dyshuarit janë intervistuar nga organet e hetuesisë. Me vendim të prokurorit, dy prej tyre janë dërguar në mbajtje, ndërsa i treti është liruar në procedurë të rregullt.
Hetimet për rastin vazhdojnë.
Përditësime
IndeksOnline ka siguruar pamje nga ngjarja në Pollatë të Podujevës, ku shihet automjeti policor i dëmtuar rëndë.