Trent Alexander-Arnold, mbrojtësi anglez i Real Madrid, ka shpërndarë lavde të mëdha për mesfushorin Federico Valverde, duke e cilësuar atë si futbollistin më të nënvlerësuar në botë.
"E kam lavdëruar edhe disa javë më parë, por përsëri më mungojnë fjalët për ta përshkruar. Ai është futbollisti më i nënvlerësuar në botë dhe ka qenë i tillë për vite me radhë. Edhe para se të vija këtu, gjithmonë e kam admiruar lojën e tij, sepse te ai nuk ka asnjë dobësi", deklaroi Alexander-Arnold.
Federico Valverde konsiderohet prej kohësh një nga lojtarët më të rëndësishëm të mesfushës së Real Madrid. Ai dallon për energjinë e lartë, aftësinë për të kontribuar në sulm dhe disiplinën taktike në fushë. Performancat e tij vazhdueshme impresionojnë bashkëlojtarët dhe adhuruesit e futbollit në mbarë botën.