Thomas Tuchel, trajneri i kombëtares angleze, nuk e përfshiu Trent Alexandër-Arnold-in, lojtar të Real Madrid-it, në listën me 35 futbollistë për ndeshjet e muajit mars. Ky vendim erdhi pavarësisht pritshmërive për kthimin e mbrojtësit djathtë pas 9 muajsh mungese dhe performancës së tij së fundit me klubin spanjoll.
Tuchel preferoi të thirrë Tino Livramento-n nga Newcastle dhe Djed Spence-n nga Tottenham. Edhe pas problemeve me Quensah, që kërkuan ndryshime në listë, trajneri gjerman zgjodhi Ben White-n, mbrojtësin djathtë zëvendësues te Arsenal.
Në konferencën për shtyp para ndeshjes me Uruguajin, Tuchel e quajti vendimin e vështirë dhe në një pikë të padrejtë. Ai tha se ka folur me Alexandër-Arnold-in në telefon për të shpjeguar situatën: «E di që lënia jashtë e një futbollisti si Trent krijon një boshllëk. Ai duhet ta pranojë. Është një vendim sportiv, por të tillë duhen marrë».
Tuchel sqaroi se ky nuk është përjashtim i përhershëm. «Luajmë me një strukturë pak më ndryshe dhe për momentin ai nuk përshtatet me pikat e tyre të forta. Nuk është faji i tij. Ka ende shumë ndeshje, duke përfshirë çerekfinalet e Ligës së Kampioneve kundër Bayernit të Mynihut, që do t'i analizojmë», shtoi ai.