Trepça ka shënuar fitore bindëse në derbin e javës së 15-të të ProCredit Superligës ndaj GO+ Pejës me rezultat 98:61 (17:18, 34:17, 25:11, 22:15).
Në çerekun e parë mysafirët kaluan në avantazh me 5:12, por vendasit u rikthyen dhe e mbyllën periodën me 17:18. Në çerekun e dytë Trepça dominoi me 34:17, duke shkuar në pushim me 51:35. Në çerekun e tretë Xehetarët arritën epërsi deri në 30 pikë dy herë, ndërsa në fund ngritën diferencën për të fituar bindshëm.
Te Trepça më të dalluarit ishin Batin Tuna me 21 pikë dhe 6 kërcime, Mustapha Amzil me 20 pikë dhe 10 kërcime, si dhe Kenneth Hasbrouck me 17 pikë dhe 7 asistime. Te GO+ Peja më i miri ishte Alan Herndon me 11 pikë dhe 12 kërcime.
Pas kësaj fitoreje Trepça mbetet në vendin e parë me 27 pikë nga 12 fitore dhe 3 humbje. GO+ Peja ka 8 fitore dhe 7 humbje. Ndjekës i parë është Bashkimi me 25 pikë.