Në Kosovë kanë ndodhur tre vrasje brenda një periudhe të shkurtër kohore.
Rasti i parë ndodhi të hënën e kaluar në Gjakovë, në orët e para të mëngjesit. Një person 38-vjeçar humbi jetën pas plagosjes me armë zjarri. Autori u dorëzua në organet e rendit pas disa orësh arratie. Në të njëjtën ngjarje mbeti i plagosur një 29-vjeçar.
Rasti i dytë u regjistrua të shtunën si pasojë e përleshjes midis dy vëllezërve, ku njëri humbi jetën. Policia ka arrestuar një person lidhur me këtë ngjarje.
Rasti i tretë ndodhi natën e mbrëmshme në fshatin Majac të Podujevës. Një grua plagosi për vdekje një burrë, ndërsa mbeti i plagosur edhe një person tjetër.