Donald Trump, presidenti i Shteteve të Bashkuara, deklaroi se Forca Hapësinore Amerikane po monitoron vazhdimisht tre objektet bërthamore në Iran, të goditura nga sulmet amerikane në qershor 2025, si pjesë e Operacionit ‘Midnight Hammer’.
Në një postim në platformën Truth Social, më 21 prill 2026, Trump tha se forcat hapësinore "kanë kamera në çdo centimetër" të këtyre objekteve.
Ai shtoi se sulmet "shkatërruan plotësisht vendet ku ndodhet uraniumi, deri në atë pikë sa Irani nuk ka qenë në gjendje t’i qaset ose t’i gërmojë ato".
Në postimin e tij, Trump akuzoi gazetat Wall Street Journal dhe New York Times për shpërndarjen e lajmeve të rreme në lidhje me këto sulme.