Donald Trump, president i SHBA-së, deklaroi të dielën se ka zhvilluar biseda të mira me Vladimir Putinin, president i Rusisë, dhe me Volodymyr Zelenskyn, president i Ukrainës, në përpjekje për të zgjidhur luftën në Ukrainë.
Në një intervistë për emisionin “The Sunday Briefing” të Fox News, Trump u shpreh: “Po punojmë për situatën në Rusi dhe Ukrainë, dhe shpresojmë se do ta arrijmë”. Ai nuk pranoi të zbulonte datën e fundit të bisedës me Putinin dhe shtoi: “Kam pasur biseda me të dhe kam pasur biseda me Presidentin Zelenskyn, dhe biseda të mira”.
Trump komentoi marrëdhëniet mes dy udhëheqësve: “Urrëjtja midis Presidentit Putin dhe Presidentit Zelensky është qesharake. Është çmenduri. Dhe urrëjtja është një gjë e keqe kur përpiqesh të zgjidhësh diçka, por do të ndodhë”.
Ai kishte zotuar t’i jepte fund luftës, e nisur me pushtimin rus të Ukrainës në shkurt të 2022-ës. Megjithatë, më shumë se një vit në mandatin e tij të dytë, konflikti vazhdon, ndërsa përpjekjet diplomatike vazhdojnë.