Presidenti i SHBA-së, Donald Trump, nisi takimin me kancelarin gjerman Friedrich Merz duke folur për luftën në Iran. Ai theksoi se Merz ka qenë shumë ndihmues.
Trump deklaroi se forcat iraniane janë shkatërruar pothuajse plotësisht. Irani nuk ka më marinë, nuk ka më forcë ajrore dhe nuk ka më sistem zbulimi ajror. "Pothuajse gjithçka është shkatërruar", u shpreh ai.
Presidenti amerikan vlerësoi ushtrinë e tij, duke thënë se po bën një punë fantastike, po ia dalin shumë mirë dhe se kanë një ushtri të shkëlqyer.
Në të njëjtën konferencë për media, Trump foli për marrëdhëniet me Gjermaninë, për të cilën tha se ka një afërsi të madhe me SHBA-në. Të dy liderët do të diskutojnë gjithashtu për marrëveshje tregtare.
Përditësime
Donald Trump deklaroi se mund ta ketë detyruar Izraelin të ndërhyjë kundër Iranit.
Gjithashtu deklaroi:
- Kritikoi Britaninë dhe Spanjën për mosndihmën, duke përmendur refuzimin e bazës Diego Garcia dhe Keir Starmer.
- Skenari më i keq: pushtetin e merr dikush po aq i keq sa paraardhësi; disa liderë të arsyeshëm janë të vdekur.
- Nuk e preferon Reza Pahlavi-n si lider; preferon dikë nga brenda Iranit.