Donald Trump ka shprehur pakënaqësi për emërimin e Mojtaba Khamenei si udhëheqës suprem i ri i Iranit. Sipas prezantuesit të Fox News, Brian Kilmeade, ai foli me presidentin amerikan menjëherë pas njoftimit dhe mori përgjigjen: “Nuk jam i kënaqur”. Kilmeade nuk dha detaje të tjera për bisedën, ndërsa Trump nuk ka bërë ende një deklaratë publike zyrtare.
Mojtaba Khamenei, djali i Ajatollah Ali Khamenei, u zgjodh nga Asambleja e Ekspertëve të Iranit për të zëvendësuar babanë e tij, i cili vdiq në orët e para të luftës së fundit në rajon. Ky emërim shënon tranzicionin e parë trashëgimor në krye të hierarkisë shtetërore dhe fetare të Republikës Islamike.
Sipas agjencisë iraniane ISNA, kleriku Mohsen Heydari, anëtar i Asamblesë së Ekspertëve, deklaroi se zgjedhja e Mojtaba Khamenei është në përputhje me këshillën e udhëheqësit të ndjerë, sipas së cilës udhëheqësi suprem duhet të jetë “dikush i urryer nga armiku dhe jo i lavdëruar prej tij”.
Analistë vlerësojnë se lideri i ri mund të mos ketë të njëjtin nivel ndikimi dhe autoriteti si babai i tij, i cili e ndërtoi pushtetin gjatë më shumë se katër dekadave në krye të vendit.
Përditësime
Donald Trump ka deklaruar se nuk është i kënaqur me emërimin e Mojtaba Khameneit si lider suprem i Iranit.
Mojtaba Khamenei, djali i dytë i Ali Khameneit, pritet të konfirmohet zyrtarisht si udhëheqësi i tretë suprem në historinë e Iranit.