Presidenti i Shteteve të Bashkuara, Donald Trump, deklaroi se udhëheqësi i ri suprem i Iranit, Mojtaba Khamenei, është i plagosur, por gjallë. Në një intervistë për Fox News, në emisionin “The Brian Kilmeade Show”, Trump tha: “Mendoj se është i lënduar, por mendoj se ndoshta është gjallë në një farë mënyre”.
Mojtaba Khamenei, i cili mbeti i plagosur në sulmin amerikano-izraelit të 28 shkurtit, ditën e parë të luftës, kur u vra babai i tij, udhëheqësi suprem prej kohësh, Ajatollah Ali Khamenei. Ai nuk është shfaqur në publik që nga ajo ngjarje. Zgjedhja e tij si udhëheqës suprem u bë të dielën nga një asamble klerike.
Komentet e para të Khameneit u lexuan nga një prezantues në televizionin shtetëror iranian të enjten. Një zyrtar iranian deklaroi të mërkurën se udhëheqësi suprem i sapoemëruar ishte plagosur lehtë dhe vazhdonte të vepronte. Televizioni shtetëror e përshkroi atë si të plagosur në luftë.
Deklarata e Trump u bë në kontekstin e fjalimit të lexuar të Khameneit, duke ngritur pyetje mbi gjendjen e tij shëndetësore.