Presidenti amerikan Donald Trump ka publikuar një deklaratë video në platformën Truth Social më 1 mars 2026, ku premtoi hakmarrje për vdekjen e ushtarëve amerikanë nga sulmet e regjimit iranian.
Në video, Trump deklaroi se SHBA-të do të hakmerren dhe do t'i japin Iranit goditjen më ndëshkuese. Ai shpjegoi se SHBA-të po ndërmarrin një operacion masiv, jo vetëm për të siguruar sigurinë për kohën dhe vendin tonë, por edhe për fëmijët tanë dhe fëmijët e tyre.
Presidenti e cilësoi këtë si detyrën dhe barrën e një populli të lirë. Ai theksoi se këto veprime janë të drejta dhe të nevojshme për të parandaluar që amerikanët të përballen me një regjim terrorist radikal, të etur për gjak dhe të armatosur me armë bërthamore.
Deklarata vjen në një moment tensioni të lartë mes SHBA-së dhe Iranit, pas humbjeve të forcave amerikane gjatë operacioneve ushtarake kundër këtij të fundit.
Përditësime
Ali Khamenei, udhëheqësi suprem i Iranit, u vra në sulmet e fundit.
- Janë goditur qindra objektiva në Iran.
- Janë shkatërruar 9 anije iraniane.
- Misioni vazhdon deri në arritjen e të gjitha objektivave.
Shtetet e Bashkuara kanë bërë thirrje për dorëzimin e Gardës Revolucionare Iraniane, ushtrisë dhe policisë, duke premtuar amnisti të plotë ose vdekje të sigurtë.
Donald Trump në një video të re foli për patriotët amerikanë të rënë dhe paralajmëroi mundësinë e humbjeve të tjera jetësh. Ai premtoi përgjigje të ashpra ndaj terroristëve për krime kundër njerëzimit dhe theksoi kërcënimin nga raketat me rreze të gjatë. Euronews Albania po transmeton videon.