Joe Kent, drejtor i Qendrës Kombëtare Kundër Terrorizmit të SHBA-së, ka dhënë dorëheqjen në shenjë proteste ndaj konfliktit me Iranin. Ai deklaroi se nuk mund të vazhdonte në detyrë, pasi nuk e mbështeste konfliktin dhe konsideronte se Irani nuk përbën kërcënim.
Presidenti amerikan Donald Trump reagoi ndaj këtij largimi. "E lexova deklaratën e tij. Gjithmonë kam menduar se ishte një djalë i mirë, por gjithashtu kam menduar se ishte i dobët në çështjet e sigurisë, shumë i dobët", u shpreh Trump.
Ai shtoi se nuk e njihte mirë Kentin, por deklarata e tij e bindte se largimi ishte i duhur. "Nuk e njihja mirë… Por kur lexova deklaratën e tij, kuptova se është mirë që është larguar, sepse ai tha se Irani nuk përbënte kërcënim", tha presidenti.
Trump këmbënguli se Irani përbën një rrezik real. "Irani ishte një kërcënim. Çdo vend e kuptonte se çfarë kërcënimi ishte Irani", nënvizoi ai.