Presidenti i SHBA-së, Donald Trump, deklaroi se së shpejti do të shqyrtojë një plan të ri të paraqitur nga Irani në lidhje me tensionet në Lindjen e Mesme. Në një postim në platformën Truth Social, ai shprehu skepticizëm të fortë ndaj pranueshmërisë së tij.
"Së shpejti do ta shqyrtoj planin që na ka dërguar Irani, por nuk mund ta imagjinoj se do të jetë i pranueshëm, pasi ata nuk kanë paguar mjaftueshëm për atë që i kanë bërë njerëzimit dhe botës gjatë **47 viteve të fundit", shkroi Trump.
Sipas agjencisë së lajmeve Tasnim, e lidhur me Trupat e Gardës Revolucionare Islamike të Iranit, ky vend paraqiti një përgjigje me 14 pika ndaj propozimit amerikan për një armëpushim dy-mujor. Irani propozon që çështjet të zgjidhen brenda 30 ditëve dhe negociatat të përqendrohen në përfundimin e luftës, në vend të zgjatjes së armëpushimit. Zyrtarët iranianë nuk kanë komentuar publikisht detajet e kësaj përgjigjeje.
Zëvendësministri i Jashtëm iranian Kazem Gharibabadi deklaroi se Irani ka paraqitur planin përmes ndërmjetësimit të Pakistanit, me synim dhënien fund definitive të asaj që Teherani e cilëson "luftë e imponuar". "Topi është në fushën e Shteteve të Bashkuara, të cilat duhet të zgjedhin midis diplomacisë dhe vazhdimit të konfliktit", tha ai.
Në një deklaratë tjetër, Trump foli me gazetarët në Florida ndërsa hipte në avionin Air Force One. Ai përmendi se i kanë shpjeguar konceptin e marrëveshjes dhe pritet formulimi i saktë. Gjithashtu, ai kundërshtoi vërejtjet e mëparshme, duke thënë se SHBA-të nuk do të largohen tani nga konflikti.
Përditësime
Donald Trump ka aluduar për mundësinë e sulmeve ajrore ndaj Iranit nëse ata "bëjnë diçka të gabuar".
"Nëse bëjnë diçka të gabuar, do të shohim tani. Por është diçka që mund të ndodhë", tha ai.
Propozimi iranian me 14 pika kërkon, ndër të tjera:
- rihapjen e Ngushticës së Hormuzit;
- fundin e bllokadës amerikane ndaj porteve iraniane;
- shtyrjen e bisedimeve bërthamore;
- tërheqjen e forcave SHBA nga zonat përreth Iranit;
- lirimin e aseteve të ngritra;
- kompensime për dëmet e luftës;
- heqjen e sanksioneve;
- përfundimin e të gjitha luftrave.
Plani amerikan përmban 9 pika, ndërsa armëpushimi tre-javor vazhdon. Donald Trump refuzoi një propozim iranian këtë javë. Ngushtica e Hormuzit mbetet e mbyllur që nga 28 shkurti. Autoritetet organizuan bisedime në Islamabad me Pakistanin. Libani përfshihet në ndërprerjen e armiqësive. SHBA miratoi paketa armatimi për aleatë dhe po shqyrton opsione ushtarake.
SHBA ka dhënë përgjigje ndaj propozimit 14-pikësh të Iranit, të dërguar përmes Pakistanit. Zëdhënësi i Ministrisë së Jashtme iranire konfirmoi se Irani po e shqyrton atë.