Presidenti i Shteteve të Bashkuara Donald Trump tha se vendi i tij lejoi tre cisternë kineze që transportonin naftë iraniane të kalonin nëpër Ngushticën e Hormuzit në fillim të kësaj jave. Komentet u bënë gjatë një interviste për Fox News pas kthimit nga një vizitë në Kinë dhe takimi me presidentin kinez Xi Jinping.
Trump theksoi se anijet kaluan sepse "ne e lejuam", por nuk dha detaje të mëtejshme mbi vendimin apo mundësinë e një marrëveshjeje me Pekinin. Ngjarja ndodhi para udhëtimit të tij në Kinë.
Irani ka vendosur kufizime për trafikun detar në ngushticë dhe ka kërkuar tarifa tranziti për anijet që kalojnë. Në përgjigje, Shtetet e Bashkuara kanë bllokuar portet iraniane, duke rritur tensionet në rajonin e Gjirit Persik.
Mediat shtetërore iraniane raportuan se rreth 30 anije, përfshirë të paktën një kineze, kanë kaluar nëpër ngushticë që nga nata e së mërkurës, me pretendimin se kalimet u kryen me lejen e Teheranit. Nuk ka ende konfirmim të pavarur për këto pretendime.