Presidenti amerikan Donald Trump u përgjigj se Shtetet e Bashkuara nuk do të dërgojnë trupa në Iran. Deklarata u bë në Zyrën Ovale të enjten, kur ai u pyet për raportimin e Reuters-it mbi shqyrtojen e dërgimit të mijëra trupave amerikane në Lindjen e Mesme.
“Jo, nuk do të dërgoj trupa askund. Nëse do të dërgoja, sigurisht që nuk do t’jua thoja, por nuk do të dërgoj trupa”, tha Trump.
Një zyrtar i Shtëpisë së Bardhë konfirmoi se nuk është marrë asnjë vendim për dërgimin e trupave tokësore në këtë kohë. Ai përsëriti se Trump mban të gjitha opsionet në dispozicion.
CNN raportoi se një Njësi Ekspedite Detare është vendosur në Lindjen e Mesme, por nuk dihet ende nëse ose kur do të dërgohen trupa tokësore nga SHBA.
Ndërkohë, Mbretëria e Bashkuar deklaroi se është e gatshme të ndihmojë në sigurimin e kalimit të sigurt të anijeve përmes Ngushticës së Hormuzit. Në një deklaratë të përbashkët me udhëheqësit e Francës, Gjermanisë, Italisë, Holandës dhe Japonisë, ajo premtoi punë për stabilizimin e tregjeve të energjisë.