Trajneri i kombëtares së Anglisë, Thomas Tuchel, ka bërë publike listën e 26 futbollistëve që do të marrin pjesë në Kupën e Botës 2026, e cila do të zhvillohet në Shtetet e Bashkuara të Amerikës, Kanada dhe Meksikë.
Mbrojtësi i Manchester United, Harry Maguire, nuk u përfshi në skuadër. Ai deklaroi se ishte i bindur se do të luante një rol të rëndësishëm dhe u shpreh i shokuar nga vendimi. Jashtë listës mbetën gjithashtu mesfushori i Manchester Cityt, Phil Foden, sulmuesi i Chelseat, Cole Palmer, dhe mbrojtësi i Real Madridit, Trent Alexander-Arnold.
Në skuadër u thirrën disa emra të tjerë si sulmuesi Ivan Toney i Al Ahli dhe mbrojtësi John Stones i Manchester Cityt. Anglia do të luajë në Grupin L kundër Kroacisë, Ganës dhe Panamasë.