Kombëtarja e Anglisë përballet sot me Republikën Demokratike të Kongos në një ndeshje vendimtare për fazën me eliminim direkt të Kampionatit Botëror 2026. Në këtë përballje, trajneri i Anglisë, Thomas Tuchel, ka bërë tri ndryshime në formacionin titullar krahasuar me ndeshjen e fundit ndaj Panamasë.
Në mungesë të të dëmtuarit Reece James, në krahun e djathtë është aktivizuar Djed Spence, ndërsa në mesfushë janë rikthyer Declan Rice dhe Noni Madueke. Marcus Rashford është përzgjedhur në krahun e majtë të sulmit, ndërsa kapiteni Harry Kane udhëheq vijën ofensive.
Formacioni i Anglisë: Pickford, Spence, Konsa, Guehi, O’Reilly, Anderson, Rice, Madueke, Bellingham, Rashford dhe Kane.
Nga ana tjetër, trajneri i Kongos, Sebastien Desabre, ka ndërmarrë ndryshime në strukturën e ekipit, ku spikat inkuadrimi i Ngal’ayel Mukau si titullar. Formacioni i Kongos përbëhet nga: Mpasi Nzau, Masuaku, Mbemba, Tuanzebe, Wan-Bissaka, Sadiki, Moutoussamy, Mukau, Cipenga, Wissa dhe Mbuku.
Ndeshja po zhvillohet në Atlanta Stadium dhe konsiderohet si një nga përballjet më të rëndësishme të kësaj faze të turneut, ku fituesi do të avancojë drejt çerekfinales.